Arquivos da etiqueta: Incio

O Concello do Incio executa obras de mellora no seu viario municipal con cargo a remanentes do Plan Deputación de Lugo de Cooperación cos Concellos 2024

Publicado o por

LOGO-PLAN-DEPUTACION-LUGO-2024O Concello do Incio executa obras de mellora no seu viario municipal con cargo a remanentes do Plan Deputación de Lugo de Cooperación cos Concellos 2024.

Esta actuación, adxudicada a Fevisa Vías y Obras S.L., consiste no “Acondicionamento e mellora dun camiño municipal no lugar de Veiga (Sta. María do Mao)” e alcanza un total de 14.331.85 €, incluídos honorarios técnicos. Lévase a cabo a limpeza de cunetas, a mellora do firme e a extensión dun dobre rego asfáltico.

Con esta obra complétanse os traballos de mellora de accesos no lugar de Veiga de Abaixo, en Santa María do Mao, no que recentemente se levou tamén a cabo outra actuación de mellora noutro camiño municipal dentro do proxecto “Acondicionamento de camiños municipais situados nos lugares de Veiga e A Cruz do Incio”, proxecto financiado parcialmente pola Consellería de Presidencia, Xustiza e Deportes da Xunta de Galicia e que sumou un total de 50.000,00 € para a mellora de accesos en dous puntos do concello.

O Concello do Incio é beneficiario de subvención para a prestación do servizo de Atención Temperá nos anos 2024 a 2026

Publicado o por

Cartel publicidade Atención temperá_page-0001O Concello do Incio foi beneficiario da convocatoria de subvencións ás entidades locais da Comunidade Autónoma de Galicia para a prestación de servizos no marco da Rede galega de atención temperá nos anos 2024 a 2026, cofinanciada pola Unión Europea.

O obxectivo principal destas axudas é promover a autonomía persoal de menores de 0 a 6 anos con trastornos no seu desenvolvemento.

O resultado que se pretende acadar é facilitar a inclusión social e a igualdade de oportunidades de todos os nenos e nenas.

El Ayuntamiento de O Incio es beneficiario de subvención para la prestación de servicios de Atención Temprana en los años 2024 a 2026

Publicado o por

Cartel publicidade Atención temperá_page-0001El Ayuntamiento de O Incio fue beneficiario de la convocatoria de subvenciones a las entidades locales de la Comunidad Autónoma de Galicia para la prestación de servicios en el marco de la Red gallega de atención temprana en los años 2024 a 2026, cofinanciada por la Unión Europea

El objetivo principal de estas ayudas es promover la autonomía personal de menores de 0 a 6 años con trastornos en su desarrollo

El resultado que se pretende alcanzar es facilitar la inclusión social y la igualdad de oportunidades de todos los niños y niñas.

O Concello do Incio levou a cabo diversas actividades durante o curso escolar 2024-25 dentro do Programa de conciliación do Concello do Incio, para o que contou con 30.380,23 € de financiamento procedente da Consellería de Política Social e Igualdade da Xunta de Galicia e do Ministerio de Igualdade dentro do “Plan Corresponsables”

Publicado o por

igualdad_page-0001As actuacións consistiron en diversos servizos de coidados profesionais en dependencias públicas que facilitaron a conciliación familiar e laboral de unhas 30 familias e uns 50 nenos e nenas con atención antes e despois da xornada lectiva, así como durante as matinais do Nadal e dos meses de verán.

Deste xeito, estivo en funcionamento durante os meses lectivos o servizo de madrugadores durante dúas horas diarias antes da xornada escolar, coidados despois da xornada lectiva con especialización en diferentes materias (inglés, patinaxe…), un campamento nas semanas de Nadal e un campamento de verán durante as mañás dos meses de xullo e agosto.

O Programa de conciliación do Concello do Incio terá continuidade no vindeiro curso escolar 2025-26.

El Ayuntamiento de O Incio llevó a cabo diversas actividades durante lo curso escolar 2024-25 dentro del Programa de conciliación del Ayuntamiento de O Incio, para lo cual contó con 30.380,23 € de financiación procedente de la Consellería de Política Social e Igualdad de la Xunta de Galicia y del Ministerio de Igualdad dentro del “Plan Corresponsables”

Publicado o por

igualdad_page-0001Las actuaciones consistieron en diversos servicios de cuidados profesionales en dependencias públicas que facilitaron la conciliación familiar y laboral de unas 30 familias y unos 50 niños y niñas con atención antes y después de la jornada lectiva, así como durante las matinales de la Navidad y de los meses de verano.

De este modo, estuvo en funcionamiento durante los meses lectivos el servicio de madrugadores durante dos horas diarias antes de la jornada escolar, cuidados después de la jornada lectiva con especialización en diferentes materias (inglés, patinaje…), un campamento en las semanas de Navidad y un campamento de verano durante las mañanas de los meses de julio y agosto.

El Programa de conciliación del Ayuntamiento de O Incio tendrá continuidad en el próximo curso escolar 2025-26.

O Concello do Incio desenvolveu o programa de conciliación no curso 2023-2024 co apoio de 29.700 euros da Secretaria Xeral de Igualdade e do Ministerio de Igualdade co Plan Corresponsables

Publicado o por

Subvencions-IncioO Concello do Incio levou a cabo diversas actividades durante o curso escolar 2023-24 dentro do Programa de conciliación do Concello do Incio, para o que contou con 29.700,00 € de financiamento procedente da Secretaría Xeral de Igualdade da Xunta de Galicia e do Ministerio de Igualdade dentro do “Plan Corresponsables”.

As actuacións consistiron en diversas bolsas de coidados profesionais en dependencias públicas que facilitaron a conciliación familiar e laboral de unhas 25 familias do municipio e case 40 nenos e nenas con atención antes e despóis da xornada lectiva, así como durante as matinais do nadal e dos meses de verán.

Deste xeito, estivo en funcionamento durante os meses lectivos o servizo de madrugadores durante dúas horas diarias antes da xornada escolar, bolsa de coidados despois da xornada lectiva con especialización en diferentes materias (informática, inglés, patinaxe…), un campamento nas semanas de nadal e un campamento de verán durante as mañás dos meses de xullo e agosto.

O Programa de conciliación do Concello do Incio terá continuidade no vindeiro curso escolar 2024-25.

O Concello do Incio acondicionará e rehabilitará o lavadoiro do núcleo de Hospital

Publicado o por

lavadoiro (3)Xoves, 25 de abril de 2024.- O Concello do Incio levará a cabo nas vindeiras semanas a rehabilitación e acondicionamento do lavadoiro do núcleo de Hospital. A Xunta, a través de Turismo de Galicia, concede a esta actuación 29.469 euros no marco das axudas a concellos de ata 10.000 habitantes para actuacións de mellora das infraestruturas turísticas.

Esta actuación busca a integración dos elementos que conforman o patrimonio etnográfico, neste caso o lavadoiro de Hospital, que se atopa no núcleo rural do mesmo nome, a escasos metros da igrexa de San Pedro Fiz de Hospital: Igrexa románica de finais do século XII, declarada Ben de Interese Cultural.

As obras van consistir na rehabilitación do lavadoiro e o acondicionamento da contorna, coa pavimentación do acceso ao mesmo e a integración do lavadoiro no espazo público do núcleo.

En detalle
A intervención vaise centrar na rehabilitación do lavadoiro, repoñendo a cuberta de madeira de castiñeiro e lousa reparando os muros, acondicionamento da contorna e o acceso á mesma para favorecer a súa funcionalidade e integración na vida do propio núcleo.

O prazo de execución dos traballos será de tres meses.

O Concello do Incio estrea novo miradoiro coincidindo coa Semana Santa

Publicado o por

miradoiro incio pena do chaoLuns, 25 de marzo de 2024.- O Concello do Incio, coa axuda da Xunta a través de Turismo de Galicia, vén de estrear o novo miradoiro petróglifo Pena do Chao, desde o que se teñen unhas extraordinarias vistas da localidade.

Este novo recurso turístico co que conta o Concello do Incio emprázase moi preto do inicio da Ruta do Ferro e ofrece vistas a todo o Val do Incio; á Cruz do Incio, Dompiñor ou Trascastro, así como do propio petróglifo Pena do Chao.

O novo miradoiro ten varios bancos para sentarse e un panel explicativo dos petróglifos. Incorpora ademais un banco inclinado desde o que poder observar as estrelas. Un espazo único desde o que poder observar o municipio e desfrutar do Destino Courel.

Como chegar
Para acceder hai que achegarse ata a aldea de Saa e dirixirse cara a Monteagudo. A 200 metros do inicio da ruta do Ferro, e antes de chegar a Monteagudo, xa pode verse o miradoiro, ata ao que se pode chegar en coche.

O petróglifo
O petróglifo Pena do Chao é de tipo cazoleta de sección semiesférica e planta circular. Consiste nun pequeno oco artificial escavado na rocha. Este petróglifo confórmano unha agrupación de cazoletas dispostas na superficie da formación rochosa. As cazoletas son uns dos motivos rupestres máis recorrentes en todas as épocas e latitudes.

O alcalde, Héctor Corujo, anima a aproveitar estes días de Semana Santa para achegarse á localidade e coñecer este novo recurso turístico, que unido a outros que xa existen, fan da visita ao Incio “unha escapada fantástica en plena natureza”.

Festa de Entroido con cea-baile no Incio o 10 de febreiro

Publicado o por

entroidoincioO Incio Terra Brava C.F. organiza, en colaboración co Concello do Incio, a Festa de Entroido, que terá lugar o sábado 10 de febreiro.

Ás 18:00 horas haberá desfile de comparsas. Ao remate do desfile haberá chocolate, doces de entroido e premios para os mellores disfraces. Para participar no desfile de disfraces é preciso anotarse no Concello do Incio antes do día 8.

Ás 21:30 horas será a cea-baile no Multiusos do Concello.

As entradas para a cea-baile poden recollerse na Librería Garabato a partir do luns pola tarde ata o xoves 8 de febreiro.

Actuacións que levou a cabo o Concello do Incio con cargo ao Plan Único 2023

Publicado o por

Plan Unico 2023O Concello do Incio, con cargo ao Plan Único de Cooperación cos Concellos 2023, está a levar a cabo durante este ano 2023 diferentes investimentos, algúns xa rematados e outros en execución ou pendentes de executar.

As actuacións, cun orzamento conxunto de 204.363,38 €, consisten na súa maioría no acondicionamento e mellora da pavimentación de varios viais municipais, mellorando os accesos a diferentes núcleos de poboación. Tamén se investiu na construcción de diversos muros de contención en viais municipais.

A relación detallada de investimentos é:
– Construción de muro en vial de acceso a Noilán.
– Construción de muro en vial de acceso a Teimoi.
– Pavimentación de accesos a Santa Cristiña.
– Construción de muro en vial de acceso a Vilarxoán.
– Reconstrución obra de paso en vial de Vilademouros – Santalla.
– Pavimentación de acceso ao cemiterio de A Cervela.
– Acondicionamento e mellora de accesos a Bardaos e Goó.