O Concello do Incio vén de executar a actuación “Substitución de carpinterías e acondicionamento do entorno do muíño das Cortiñas” para o que contou cunha axuda polo seu importe total de 17.272,81 € da Axencia Turismo de Galicia.
Con esta actuación, dase un paso máis na rehabilitación e posta en valor deste elemento do patrimonio etnográfico municipal, así como do seu entorno, ao carón do río Cabe na parroquia de San Pedro do Incio e nas proximidades da Área Recreativa A Fervenza de Saa.
O Concello do Incio, con cargo ao Plan Único de Cooperación cos Concellos 2021, levou a cabo diferentes investimentos durante os anos 2021 e 2022, xa rematados ou nas últimas fases da súa execución.
As actuacións, cun orzamento conxunto de 222.713,84 €, consistiron na súa maioría no acondicionamento e mellora de diferentes viais municipais, mellorando os accesos a diferentes núcleos de poboación. Tamén se investiu na mellora do sistema de abastecemento de auga potable municipal e en equipos informáticos para as oficinas municipais.
A relación detallada de investimentos é:
– Subministración de 3 ordenadores portátiles.
– Obras de mellora das instalacións de abastecemento de auga potable.
– Pavimentación de accesos nos núcleos de Saa e Pacios.
– Pavimentación de accesos nos núcleos de Goo, Martín, Calvos e Vilasouto.
– Acondicionamento de camiño en Vila de Cais.
– Pavimentación de acceso no núcleo de Covelas.
O Concello do Incio colocará o vindeiro sábado 22 de outubro na Praza de España, de 11:00 horas a 13:00 horas, unha carpa informativa a fin de que os veciños e veciñas do termo municipal interesados en participar na campaña de compostaxe doméstica se poidan informar e inscribir na mesma.
A campaña está ideada para a participación de 40 vivendas pertencentes ao termo municipal que recibirán un composteiro de forma totalmente gratuíta. Dende o Concello anímase a veciños e veciñas á súa participación, para entre todos colaborar por un concello limpo e respectuoso co medio ambiente. Os interesados poderán inscribirse ben na propia carpa ou ben nas oficinas municipais, presencialmente ou de forma telefónica, a partir do 22 de outubro ata fin de existencias.
Esta iniciativa desenvolvese en colaboración coa Consellería de Medio Ambiente, Territorio e Vivenda da Xunta de Galicia -no marco do Plan de recuperación, transformación e resiliencia, financiado pola Unión Europea-NextGenerationEU-, e complementa a outras iniciativas desta índole desenvolvidas polo ente municipal.
Martes, 18 de outubro de 2022.- O Concello do Incio, en colaboración coa Consellería de Medio Ambiente, Territorio e Vivenda da Xunta de Galicia -no marco do Plan de recuperación, transformación e resiliencia, financiado pola Unión Europea-NextGenerationEU-, implantará unha campaña de compostaxe domiciliaria para promover a reciclaxe da fracción orgánica dos residuos en orixe.
A campaña está ideada para a participación de 40 veciños e veciñas do municipio, que recibirán de forma totalmente gratuíta os medios materiais para a elaboración de compost a pequena escala.
A primeira fase da campaña arrincará coa posta en marcha dunha serie de accións de difusión, para sensibilizar á cidadanía no desenvolvemento da técnica de autocompostaxe, e a apertura do prazo de inscrición aos veciños e veciñas que estean interesados en participar. A segunda fase iniciarase tras a selección das persoas participantes, facéndolles entrega dos medios materiais e ofrecéndolles formación e asesoramento a cargo de persoal técnico especializado.
Con esta campaña arredor da compostaxe domiciliaria, o concello do Incio busca unha mellor solución para os residuos orgánicos xerados nos fogares ao mesmo tempo que se trata de evitar a deposición de restos vexetais de podas nos contedores municipais ou na vía pública.
“Renovación de instalacións de iluminación exterior no Incio”: actuación cofinanciada nun 80% polo Programa de subvencións para proxectos singulares de entidades locais que favorezan o paso a unha economía baixa en carbono no marco do programa operativo FEDER de crecemento sostible 2014-2020, asumindo o restante 20% o Concello do Incio con fondos propios.
DESCRICIÓN DO PROXECTO:
Con data 18 de febreiro de 2020 o IDAE notifica ao Concello do Incio a RESOLUCIÓN FAVORABLE en virtude da cal o proxecto “Renovación de instalacións de iluminación exterior no Incio” obtivo a axuda solicitada na convocatoria regulada polo Real Decreto 616/2017*, do 16 de xuño, pola que se regula a concesión directa de subvencións a proxectos singulares de entidades locais que favorezan o paso a unha economía baixa en carbono no marco do Programa operativo FEDER de crecemento sostible 2014-2020. Dita convocatoria foi publicada no BOE do 17 de xuño de 2017.
*Real Decreto 1516/2018, do 28 de decembro, polo que se modifica o Real Decreto 616/2017, do 16 de xuño, polo que se regula a concesión directa de subvencións a proxectos singulares de entidades locais que favorezan o paso a unha economía baixa en carbono no marco do programa operativo FEDER de crecemento sostible 2014-2020, ampliando o seu orzamento e vixencia.
*Real Decreto 316/2019, do 26 de abril, polo que se modifica o Real Decreto 616/2017, do 16 de xuño, polo que se regula a concesión directa de subvencións a proxectos singulares de entidades locais que favorezan o paso a unha economía baixa en carbono no marco do programa operativo FEDER de crecemento sostible 2014-2020.
*Real Decreto 1185/2020, do 29 de decembro, polo que se modifica o Real Decreto 616/2017, do 16 de xuño, polo que se regula a concesión directa de subvencións a proxectos singulares de entidades locais que favorezan o paso a unha economía baixa en carbono no marco do Programa operativo FEDER de crecemento sostible 2014-2020.
Este proxecto está encadrado no obxectivo específico OE 431-Eficiencia enerxética na edificación e nas Infraestruturas e servizos Públicos: Medida 6 Renovación das instalacións de iluminación, iluminación e sinalización exterior.
A renovación na iluminación pública exterior no municipio do Incio, provincia de Lugo, consiste na substitución das luminarias existentes (VMCC e VSAP) por luminarias LED máis eficientes. En concreto, substitúense 1154 luminarias e actúase en 64 dos 95 cadros de mando para adaptalos á normativa vixente. Con esta actuación se desminuye a potencia contratada de 70,11 KW a 39,29 KW, conseguindo un aforro enerxético estimado do 62,02 %.
O importe total do proxecto de “Renovación de instalacións de iluminación exterior no Incio” é de 522.478,00 €, sendo o cofinanciamento do FEDER dun 80% (417.982,40 €) e asumindo o Concello o 20% restante con fondos propios.
