O Concello do Incio adquire un camión que funcionará como punto limpo móbil co que mellorar o servizo de recollida do lixo grazas a unha axuda do programa operativo FEDER GALICIA. Esta axuda, que alcanza un total de 56.603.80 €, dos cales 907,00 € se corresponden a gastos para a campaña de difusión e sensibilización do novo servizo, permitiu ao Concello adquirir un camión con grúa, basculante e punto limpo móbil con 8 compartimentos cos que mellorar a recollida selectiva de residuos. Este servizo percorre de forma periódica e por intervalos de tempo, diferentes localizacións do municipio para que os veciños poidan depositar diferentes residuos sen ter que desprazarse. Á súa vez, vese reforzado o servizo trimestral de recollida de enseres voluminosos ao contar cun vehículo propio para elo.

Os residuos que se poden depositar no punto limpo móbil son: pilas e baterías, aceites usados, vidro, plásticos, papel e cartón, pequeno electrodoméstico, roupa e calzado, lámpadas e tubos fluorescentes.

Grazas a este novo equipamento, preténdese acadar un medio ambiente máis limpo e concienciar a poboación do Concello da importancia da reciclaxe, reducindo a cantidade de residuos non separados na actualidade e reducindo os vertidos incontrolados.

Trátase dun proxecto subvencionado pola Consellería de Medio Ambiente, Territorio e Vivenda, Dirección Xeral de Calidade Ambiental, Sostibilidade e Cambio Climático e coofinanciado polo Fondo Europeo de Desenvolvemento Rexional, FEDER GALICIA 2014-2020.
.

Luns, 28 de decembro de 2020.- Os alcaldes dos Concellos da Pobra do Brollón, O Incio e Bóveda, Xosé Lois Maceda, Héctor Corujo e José Manuel Arias, recibiron hoxe aos alumnos e alumnas participantes no obradoiro de emprego ‘Brollón-O Incio-Bóveda’, que hoxe bota a andar.

O obradoiro de emprego, que conta co financiamento da Xunta de Galicia, ten como promotor ao Concello do Incio. A maiores participan o Concello da Pobra do Brollón e o de Bóveda.

Actividades de silvicultura

Os traballos serán actividades auxiliares de conservación e mellora de montes, polo que lavarán a cabo tarefas de control de axentes causantes de pragas e enfermidades forestais, repoboacións, correccións hidrolóxicas, tratamentos de silvicultura, etc.

A formación estenderase durante nove meses e ao remate outorgaráselle aos alumnos/traballadores un certificado de profesionalidade nivel 1. Ademais, os que carezan de estudos, fórmanse para a obtención do graduado ou competencias clave.

Os alumnos e alumnas son contratados na modalidade de contrato laboral para a formación e a aprendizaxe. Combinan formación teórica con formación práctica. Participan un total de 20 alumnos; 6 do Concello de Bóveda, 7 do Concello do Incio e 7 do Concello da Pobra do Brollón.

Haberá 3 profesores, un director e unha administrativa. A Xunta achega unha subvención da Consellería de Emprego e Igualdade: 346.946,00 euros.

Traballos prácticos a realizar polos alumnos do obradoiro

O Incio

Conservación e mellora de diversas sendas e camiños (Ruta do Ferro, Senda á Casa de Papel, Foxo dos Lobos, camiño de San Miguel, Devesa da Condesa, pistas dos pastizais de Sirgueiros, camiños en Río Mao, Serra do Édramo, Área Recreativa de Saa, diversos camiños ao longo das parroquias do Concello…)

Bóveda

Tratamentos silvícolas no colexio, repoboacións na Ribeira, tratamentos silvícolas e control de pragas en Ver e no Viveiro Os Trollos, mantemento e mellora de pistas en Ver, Ribas Pequenas, Eimer, Souto, Vales, Freituxe, Rubián e Teilán.

A Pobra do Brollón

Conservación e mellora de diversas sendas e camiños (mina dos Medos, minas da Veneira, ruta da castaña e do mel, da Ferrería de Loureiro ao Mazo, do ouro e do ferro, Cova das Choias, Senda os Conventos en Vilachá, Ruta Doade Augasmestas e varias rutas BTT.